Shillong, Lber 27
Ka Khasi Students’ Union (KSU) Nongmensong Unit ha ka 27 tarik u Lber 2026, ka la ïoh ban bat da ki phew ngut ki bar jylla kiba wan rung beit-beit shadien jong kawei na ki petrol pump ha Nongmensong.
Ka seng ka la ïoh bat ïa kine ki bar jylla ha ka por 2 baje phyrngap jong ka 27 tarik.
Hadien ba ka seng ka la ïoh jingujor haor kane ka jingwan rung ki bar jylla, mar-mar ki dkhot ka unit ki la hiar ban bat bad ban pynlong ka jingpeit bniah.
Ka KSU ka la shem ba kine ki bar jylla kim don ïa ki kot ki sla kiba biang haba wan rung shapoh ka Jylla, bad kane ka jingjia ka la pynpar ñiang khriat wat ïa ki trai jaka namar ba kumno kine ki bar jylla ki nud ban wan rung shaduh shadien jong ka petrol pump. Haba ïakren bad kine ki bar jylla ki la ïathuh ba la wan ïalam ïa ki da kawei na ki ‘event management’ kata ka Rockski.
Kumta ka KSU ka la pynher krad ïa kine ki bar jylla mar-mar bad maham ruh ïa u manager uba dei u Khasi ba lada nangne shakhmat ka seng ka lap ïa kum kine ki jait kam, ka KSU ka don la ki aiñ bad ki bynta ban leh da kaba tyngeh.
