Ngi ki briew hangne ha pyrthei ngim da salia ban bud ïa ka jinghikai ka ktien u Blei. Hooid ngi long niam bad ngi don ha ki balang bapher bapher, ngi baroh ïa u B lei bad ngi duwai jan man ka sngi U Blei lada ym dei eh man ka sngi ruh. Dei ka jingleh jong ngi hi ki briew kaba pynlong ïa ngi ba ngi ïoh pang bad ngi shitom bad ngi ïap ruh. Namar ka ktien u Blei ka ong, kumno, shisha shisha nga ong ha phi, lada uno uno ruh un sumar ïa ka ktien jongnga un ym ïohi ïa ka jingïap lano lano ruh (Ioannis 8 : 51). Kane ka paw shai ba dei ma ngi ki briew ngim ju sumar ïa ka ktien u Blei. Namar wat ki nongïalap niam bad kiba ïalam niam kim lait na ka jingïap. Te ym dei ba kim sumar ïa ka ktien u Blei.
Hynrei lada ngi sumar bad ngi bud thikna ïa ka ktien u Blei, ngi ngeit ba ngin ym ïakynduh ïa ka jingïap ha ka doh bad ka mynsiem ruh. Ne ka ktien u Blei ka kren ïa ka bym dei. Namar ka ktien u Blei kam ju kren thok ne shukor ka kren ïa kaba shisha.
Hynrei,dei ma ngi ki briew kiba saitlah bad kiba pynkheiñ ïa ka ktien U Blei. Kum ka nuksa ka ktien u Blei ka ong, kynmaw ïa ka sngi Sabbaton ban rakhe khuid ïa ka.Hynrei ngim bud ne kohnguh ïa ka jinghikai ka ktien u Blei. Ngi rakhe pynban ïa ka sngi Sunday ka bym shym ïalap ha ka Baibl. Kane ym dei ba ngi kyntait ïa ka ktien U Blei.
C. B. Iawphniaw
