Shillong, Lber 27
Ka lympung ïalehkai cricket ka Late P.A. Sangma Memorial T20 Cricket Tournament 2026 ba la pynlong da ka Shillong Cricket Association ka la bteng hynne ka sngi da ki ar tylli ki jingïalehkai.
Ka Sputnik CC ka la ïakhun pyrshah ïa ka Sporting CC, ka Sputnik CC ka la ïoh kam trai ha ka kynting pisa bad ka la jied ban tied nyngkong. Ka la kamai 248 ron, u Kshittij Singhania 90 ron bad u Amiangshu 48 ron. Katba u Indrajit Rai u la ïoh 1 wiket bad u Laxman Gurung ruh kumjuh 1 wiket.
Ha kaba beh ïa ka thong ka Sporting CC ka la ïoh 156 ron, u Rohit kr Yadav 58 ron bad u Avinash Rai 49 ron katba u Chaman 2 wiket bad u Mridul Das kumjuh 2 wiket. Ka Sputnik CC ka la jop noh ha ka jingïalehkai da 92 ron bad u Kshittij Singhania u la ïoh ïa ka nam ‘Player of the match’.
Ha kawei pat ka jingïalehkai ka Royal CC ka la jop noh da 7 wiket ïa ka Donkin CC, ka Donkin CC ka la ïoh 89 ron. Ha ka pali ba ar ka Royal CC ka la ïoh 93 ron, bad u Raj Biswa u la ïoh ïa ka nam ‘Player of the match’.
