Shillong, Lber 27
Ka Verem Gedaliah Nongsiej ka la ïoh ban khur ïa ka takma rnong ha ka lympung ïalehkai Women 50 meter Freestyle ha ka 1st Edition jong ka Khelo India Tribal Games, kaba la long ha Chhattisgarh ha ka 27 tarik Lber 2026.
Ka Verem Gedaliah Nongsiej ka dei ka nongjop takma ba nyngkong eh ha ka National Swimming na ka jylla Meghalaya. Ka mihkhmat ïa ka Jylla Meghalaya ryngkat bad 7 ngut kiwei pat ki Nongïalehkai ba la jied da ka Meghalaya Swimming Association bad ka la shah hikai da u Coach ba tbit bha u Laitonjam Santosh. Kane ka khynnah ka dei ka khun marwei jong ka Kong Meiada Nongsiej.
Ka Meghalaya Swimming Association ka sngew sarong ïa ka Verem halor kane ka jingjop jong ka bad kitbok kitrwiang ïa ka ba kan nang jop shuh-shuh nangne shakhmat.
