Shillong, Lber 29
Ka RangKynsai SC ka la pynliem noh ïa ka Cluster CC da 122 run na ka bynta ban khur khur jingjop ha ka lympung ïalehkai P.A. Sangma Memorial T20 Cricket Tournament 2026 ha ka sngi U Blei ha madan ïalehkai jong ka MCA ha Polo.
Ha kane ka jingïakhun ka RangKynsai ka la kam trai ban tied nyngkong ha kaba ka la kamai 193 run bad shah pynhap 6 wiket ha ki 20 over. U Kishan Lyngdoh bad u Ajay Duhan ki la long ki nongtied ba kynsai ha kaba u la ïoh ban khyrwit ïa ka shiteng spah run (half century). U Kishan u la tied 56 run na ki 24 bol bad u Ajay Duhan u la ïoh 51 run na ki 34 bol. Katba u Vishal Paul u la khur 2 wiket bad ïa ka 1 wiket la ïoh da u Rahul Paul.
Haba wan beh ïa ka thong, ka Cluster ka la kamai tang 71 run hadien b aka la shah pynkhyllem baroh ki nongtied ha ki 12.1 over. U Rahul Paul u la tied 24 run na ki 25 bol bad u Arvind Kumar u la ïoh 8 run na ki 9 bol. Katba u Aryan Borah bad u Sanvert Kurkalang ki la khur mar 2 wiket. Ïa ka nam Player of the Match la khur da u Sanvert.
Haba phai sha kawei pat ka jingïaleh -kai hapdeng ka Lok Bhawan bad ka Rhinoland Cricket Academy la hap ban pynsangeh noh na ka daw ka jingjaw slap bad ki la ïasam mar shi poiñ.
