Shillong, Lber 29
Ka Chennai Super Kings ka la mad sa kawei ka jingeh namar ka jingmynsaw hashwa ka Indian Premier League 2026, ha kaba u Dewald Brevis un ym lah ban ïalehkai ha ki jingïakhun kaba nyngkong jong ka ha kane ka aïom ïalehkai.
Kane ka jingkylla ka wan kum ka jingeh kaba khraw ïa ka CSK, kaba la lypa khlem u MS Dhoni na ka bynta kane ka jingïalehkai. Katkum ki khubor la ong ba u Brevis un duh ïalehkai ha ki ar ne lai tylli ki jingïakhun namar ka jingmynsaw bad kane ka lah ban pyntlot ïa kane ka kynhun ha kaba sdang kane ka samoi ïalehkai.
Kane ka kynhun kan sdang ïa ka jingïalehkai kaba nyngkong pyrshah ïa ka Rajasthan Royals ha ka lah sngi U Blei ha Barsapara Cricket Stadium kaba ha Guwahati, Assam.
U Brevis ïa uba la pynskhem biang ïa ka kontrak na ka bynta 2.20 klur tyngka hadien ba u la lah ban ïalehkai bha ha u snem ba la dep. Utei u rangïalehkai na South Africa u la kamai 225 ron ha ki hynriew tylli ki jingïakhun ha ka average kaba 37.50 bad ka strike rate kaba 180.0, kynthup ïa ar tylli ki ‘half century’. U la ïalehkai ruh ha ka ICC Men’s T20 World Cup 2026, ha kaba u la kamai 207 ron ha ki 8 tylli ki jingïalehkai kaba long 146.80 na ka bynta ka kynhun ïalehkai jong ka South Africa, hashwa ba kan shah rem noh ha ka semi final pyrshah ïa ka New Zealand.
Katba u Dhoni u la thmu ban duh noh la kumno kumno ha ki ar taiew ba nyngkong jong ka lympung hadien ba u la mad ïa ka jingpang ha ka tyrpeng ha ka por ba u dang ïalehkai, kaba la pynlong ïa ka CSK ban duna ïa u nongïalehkai ba tbit bha ha ka por ba dang sdang.
Katba u Dhoni, un duh ïalehkai kumba ar taïew hadien ba u la mad ïa ka jingmynsaw ha ki bynta jong ki khohwah ha ka por ba u dangkilanmet, kaba la pynlong ïa ka CSK ban duh ïa une u nongap wiket uba tbit.
Ka jingmynsaw kam shym la kut tang ha kitei ki ar ngut, hynrei kham hashwa u Nathan Ellis na Australia u la shah weng noh ha baroh kawei ka samoi ïalehkai namar ka jingmynsaw (hamstring) bad ha ka jaka jong u la bujli noh da u Spencer Johnson.
Te kumta ha kane ka jingïakhun pyrshah ïa ka Rajasthan Royals, ka CSK hapoh ka jingïalam u Ruturaj Gaikwad, ka la khmih lynti ba kan ïalehkai bha. Ha ka aïom ba la lah kane ka kynhun ka la wan ha ka kyrdan ba khatduh bad jop tang saw sien ha ki 14 sien ïakhun.
