Shillong, Lber 29
Ka East Khasi Hills Cricket Association (EKHCA) kan bteng mynta ka lah sngi U Blei ïa ki ar tylli ki jingïalehkai quarter final kiba dangsah jong ka 5th District League T20 Cricket Tournament 2026 na ka daw ka jingshah pynthud ha u slap ha ka sngi Saitjaiñ ha madan Saitsohpen kaba ha Sohra.
Kine ki jingïalehkai kin long hapdeng ka Laitkynsew CC pyrshah ïa ka Sohra Combine ha ka por 8:30 mynstep bad ka Mawphlang CC ïa ka Laitjem CC ha ka por 12:05 mynsngi.
Haba phai sha ki jingïalehkai quarter final kiba la long ha ka sngi Thohdieng jong ka taïew ba la lah, ka Cricket Smit ka la pynliem noh ïa ka Seng Samla Saitsohpen da 112 run bad ka Friends United ka la jop da 7 wiket ïa ka Seng Samla Mawriang Mawlong.
