Shillong, Lber 29
Ka lympung ïalehkai 1st ALTUS Badminton Prize Money Tournament 2026 ba la pynlong da ka ALTUS Badminton Academy, ka la poi sha kaba kut ha ka sngi Saitjaiñ ha Glade’s Sports Arena, Mawroh ha kaba la wan shim bynta da khynnah ïaleh-kai kiba hapoh 11 snem, hapoh 13 snem bad hapoh 15 snem rta.
Ha kane ka lympung ïalehkai kaba ar sngi lynter la sakhi ïa ki 88 tylli ki jingïalehkai singles bad doubles. Kane ka lympung la long shi bynta ban plie ïa ki khynnah khnang ba kin nangkiew sha-phrang ha kane ka jing-ïalehkai ha kane ka thaiñ.
Ha katei ka sngi pynkut la ïadon lang u MLA ka 17 North Shillong u Bah Adelbert Nongrum uba long u kongsan ha ryngkat u MCC ka 19 Jaïaw u Bah Denzil Raynard Chen kum u symbud kongsan, kiba la ai jingïaroh halor kane ka jingshim khia ban kyntiew ïa ki khynnah kiba dangrit ha kane ka jingïalehkai.
Ka Lateisha Nongtraw ka la long ka lahduh ha ka kyrdan ïalehkai Under-13 bad Under-15 Girls Singles.
Ha ka Under-11 Girls Singles la rah da ka Ian Chettri Kamei kaba la lah ban pynliem noh ïa ka Eviana K Momin. Katba ha ka liang ki shynrang la rah da u Dasan Marbaniang, uba la jop da u Ethaneal Dkhar.
Ha ka Under-13 Girls Doubles, la rah da ka Anosa K Momin & Eviana K Momin hadien ba la ki la jop ïa ka Rohi Barua & Hazel Phanwar. Ha ka liang ki shynrang la rah da u Donato Marak & Arup Baishya, kiba la jop ïa u Meshan Lyndem & Jayden Toi Marbaniang.
Ha ka Under-13 Girls Singles la jop da ka Lateisha Nongtraw ïa ka Tezayah B Jyrwa, katba ha ka liang ki shynrang u Jayden Toi Marbaniang u la pynliem noh ïa u Abraham. Ha ka Under-15 Girls Doubles la rah da ka Haphi Massar & Lateisha hadien ba ki la jop ïa ka Ehma Sangma & Anosa K Momin. Katba ha ka liang ki shynrang la rah da u Elmo Marak & Sixbirth Marak, kiba la jop ïa u Haegan Diengdoh & Abraham.
Haba phai sha ka kyrdan ïalehkai Under-15 Girls Singles la rah da ka Lateisha Nongtraw hadien ba ka la jop ïa ka Haphi Massar. Katba ha ka liang ki shynrang la jop da u Haegan Diengdoh ïa u Sixbirth Marak.
Ïa ka nam Most Promising Player (Boys) la ïoh da u Ezariah KD Dkhar bad ka Gianna Warlarpih.
Ïa kane ka lympung la kyrshan lang da ka BEADS Aqua Packaged Drinking Water na ka bynta ki khusnam sha ki nongjop, katba ka Stayfit Kitchen na ka bynta ka bam ka dih bad ka Astha Aluminium System Windows na ka bynta ka jaka ïalehkai.
