Shillong, Lber 29
Ka Meghalaya Boxing Association (MBA) ka la pynpaw ka jingsngew sarong halor ka jingshah jied u Bah Torak Kharpran Sun kum uwei na ki coach jong ka kynhun ïakura jong ka ri India ka ban leit shim bynta ha ka Elite Men & Women Asian Boxing Championship ka ban long ha Ulaanbaatar, Monggolia naduh 30 tarik mynta u bnai haduh 10 tarik u Ïaïong.
Te kumta na ka liang kane ka synjuk lyngba ka kyrwoh ba la pyllait da u Bah Larry Kharparan, Technical Director bad u Bah Dondor Marweiñ, General Secretary, ki la ai khublei kitbok ïa utei u rangvakura barim ka Jylla bad kyrmen ba ki nongïakura jong ka ri kin lah ban ïalehkai bha ha katei ka lympung bad kyrmen ba kin wanrah nam bad burom ïa ka Jylla.
