Shillong, Lber 29
Ka lympung ïalehkai Women Football League ba la pynïaid da ka Tyrsad Area Sports Association (TASA) ka la bteng biang ha ka sngi Saitjaiñ ha kaba ka Mawlum Tyrsad SC ka la pynjem khnap ïa ka Nongthymmai Neng SC haduh 11-0 kol.
Ha katei ka jingïakhun kaba la long ha madam Mawlum kaba ha Tyrsad, ki ‘thei ïalehkai ka Mawlum ki la lah ban ïalehkai bha naduh kaba sdang ha kaba ka Irilang Khongsit u la khur ïa ka hat-trick da kaba thep haduh saw kol ha ka minit kaba 13, 35,36 & 42, ryngkat ka Ibashembha Khongsit (17,44,54). Ïa ki ar kol la thep da u Balawanbiang Khongsit (10 & 20), katba ïa kiwei pat la thep da u Wanrihun Kharnaïor (3) bad u Balabet Khongsit (48).
Haba phai sha kiwei pat ki jingïalehkai kiba la long kham hashwa, ka Nongmadan SC ka la jop da 1-0 kol ïa ka Pomsanngut SC bad ïa kane la thep da ka Phibanri Umdor ha ka minit kaba 19.
Ka Mawsawrit SC ka la pynliem noh ïa ka Nongwah SC da 3-1 kol. Ïa kine la thep da ka Da I sha Nongbet ha ka minit kaba 19, kumjuh ka Babisha Nongbet (51) bad ka Ibanjulin Umdor (58). Na ka liang ka Nongwah ka la pynphai kylla shikol lyngba ka Niewlakordor Mawlong.
Ha kawei pat ka jingïalehkai hapdeng ka Lawkhla Mawlong SC bad ka Wahmawpat SC ki la ïasam mar shi poiñ hadien ba kim shym la lah ban thep kol haduh kaba kut ka jingïalehkai.
