New Delhi, Lber:
U Mohammad Tahir Anwar, uba long u hynmen jong ka kynhun Jaish-e-Mohammed, u Maulana Masood Azhar, la ong ba u la khlad noh ha Pakistan na ki daw ki bym lah ban tip shai.
Katei ka kynhun ehrang kaba la shah khang noh la slem, ka la pnyntip ba ia ka met ba sah jong utei u nongialam, yn tep noh ha katei ka Sngi Nyngkong. Watla katta, la ong ba ia ka daw ba tikna halor ka jingiap jong u, ym pat lah ban tip shai.
U Anwar u long uwei napdeng ki 5 ngut kiba shi para bad utei u nongialam bad u long ruh ka bynta ba kongsan jong ka Jaish-e-Mohammed bad uba ju iadon bynta bha ha ki kam thombor jong katei ka kam.
U Masood Azhar ha u snem ba la dep, u la kam ba 10 ngut ki dkhot jong ka iing- ka sem bad 4 ngut ki nongbud jong u, ki la khlad noh ah ka jingleit thombor jong ka India sha Pakistan, hapoh ka ‘Operation Sindoor’, kum ka jingpynhiar kput jong ka India halor ka jingjia thombor kaba la jia ha Pahalgam ha utei u snem.
