Shillong, Lber 31
Ka State Executive Committee (SEC) jong ka Voice of the People Party (VPP), ka la mynjur ïa ka jingtyrwa jong ka State Election Committee halor ka kyrteng jong u Dr.Batskhem Myrboh ban long u kyrtong jong ka party na ka bynta ka ilekshon shiteng samoi sha Lok Sabha na Shillong Parliamentary Konstitwensi.
Ha ka kyrwoh na u nongaiktien ka party, u Dr. Londoner Murphy Sohtun u la ong ba ka party ka la shim ïa kane ka rai hadien ka jingïamir jingmut lang jong baroh ki dkhot ka State Executive Committee.
Ka party sa shisien ka la kyrpad ïa baroh ki dkhot, ki nongkyrshan bad ki nongshong shnong jong ka Jylla ba kin nang bteng ban ai ka jingkyrshan bad jingïatreilang ka jong ki, khnang ban ïoh ïa ka jingjop ba donburom ha kane ka ilekshon shiteng samoi ban wan.
