Shillong, Lber 31
Ka MLA jong ka National People Party (NPP) na East Shillong Konstitwensi ka Kong Ampareen Lyngdoh ka la pynleit jingmut ban pynkhreh ïa ka ilekshon ban sa wan ha u snem 2028, da kaba ong ba kam kwah ban shah pynthud ha ka thong jong ka ban pynthikna ba ka Sorkar MDA ba ïalam ka NPP kan ïai bteng hadien u snem 2028.
“Nga dangïashimbynta ha ka ban pyrnkhreh na ka bynta ka jingïakhun jong nga na bynta ka LA 2028. Ki briew ki lah ban ong ba ka por ka dang bun hynrei nga ong ba ka MLA kum ma nga kaba yn thep kyrteng tang shisien ba nga la ïakynduh bad ki nongshong shnong ha ka jingïalang bad nga pyrkhat ba ngi dangsah sa tang khyndiat eh ka por,” ong ka kong Ampareen haba jubab halor ka jingkylli haba ïadei bad ka ilekshon shiteng samoi sha Lok Sabha.
Ka la ban jur ba ka rai jong ka ban ïakhun kam dei ka rai jong ka marwei hynrei ka dei ka rai lang jong baroh ki nongïalam ne ngan shah kyrpad ha ka party ban ïakhun, ka dei ban hap ïa rai lang jon gki nongïalam ka party, ka la ong.
Ka Kong Ampareen ka la pynpaw ïa ka jingangnud jong ka ban pynleit jingmut ha kaban ïakynduh ïa u wei pa u wei u nongshong shnong ha ka konstitwensi shuwa ka ban thep kyrteng.
“Ngan ym thep kyrteng na ka bynta ka LA 2028 lada ngam shym ïoh ïakynduh ïa u wei pa u wei u nongshnong shnong ha ka konstitwensi jong nga. Nga kwah ban nym shah pynthut,” ka la ong shuh shuh.
Ka nongïalam ka NPP ka la pynpaw ruh ba ka jingdonkam ban pynkhreh bha ïa ka ilekshon
“Ngi kwah ban ïohi ba kane ka MDA kan bteng ïa ka samoi treikam jong ka hadien u snem 2028. Lada ngi hap ban poi shat ate ngi donkam ban leh ïa ka kam kaba janai. Kata kam leit tang na ka bynta jong nga, nga pyrkhat ba ka dei ka jingkular lang jong baroh ki seng saiñ pyrthei,” ka la ong.
Ka Kong Ampareen ka la kyntu ïa ka seng ba kan ai lad ïa ka ba kan pynkhreh ym ban shha pynthud
“Ailad ïa nga ban pynkhreh ïa ka LA kaba na ka bynta jong nga. Ngam tharai ba ngan leit sha kano-kano ka ilekshon khlem ka jingpynkhreh namar bunsien ki kyrtong ki ïoh lai-san bnai ban leit sha ka ilekshon,” ka la ong.
