Shillong, Ïaïong 01
Ka lympung ïalehkai Fourth Division (U-20) Football League Tourna-ment 2026 ban pynlong da ka Shillong Sports Association (SSA) kan sdang naduh 2 tarik u Jymmang ha SSA Stadium kaba ha First Ground, Polo.
Kat kum ka kyrwoh ba la pyllait da u General Secretary Bah D.L Nong-bri, la ong ba la kyntu ïa ki klob ba kin pyndep ïa ki jingsiew na ka bynta ki bai rung ha lane shwa ka 10 tarik mynta u bnai hapdeng ka por 3 haduh 5 baje nohphai sngi.
Ka la ong ruh ba ïa ka form pynrung kyrteng na ka bynta ki rangïalehkai yn pyllait hadien ba la dep ban siew ïa ki bai rung ha ka shlem treikam katei ka synjuk kaba don ha Polo bad yn ym ailad ïa kiba wan palat ïa ka por ba la buh.
