Shillong, Ïaïong 01
Ka Shillong Lajong FC ka la jam biang sha ka kyrdan ba hakhlieh ha ka lympung ïalehkai Indian Football League, hadien ba ka la ïakhaid khlem don ba thep kol pyrshah ïa ka Sreenidi Deccan ha ka sngi Balang ha ACA-VDCA Cricket Stadium kaba ha Visakhapatnam, Andhra Pradesh.
Watla kine ki kynhun ki la kamai mar 11 poiñ, hynrei ka Shil-long Lajong ka la ïoh ban lamkhmat hadien ba ka la tam lyngba ka jingïapher ha ka jingthep kol, katba ka Sree-nidi ka la hiar sha ka kyrdan balai.
Kumba ka paw kane ka long ka jingïakhaid kaba nyngkong ha ka jingïakhun shabar na la ïing naduh ba ka la jop ïa ka Chanmari FC da 2-1 kol ha Aizawl bad ïa ka Gokulam Kerala da 2-0 kol ha Kozhi-kode, Kerala.
Kane ka kynhun ïalehkai hapoh ka jingïalam u Virendra Thapa (coach) kan leit sha Fatorda, Goa na ka bynta ban pynkhreh ïa ka jingïakhun pyrshah ïa ka Dempo SC ha ka 7 tarik mynta u bnai.
