Shillong, Ïaïong 01
Ka Khasi Students’ Union (KSU) na Madanriting bad Nongthymmai ha ka 01 tarik u Ïaïong 2026 ka la leit ban khang noh ïa ka skul jong ka Madan Hindi Patshala Secondary School ha Madanriting na ka daw ba kim shym la buh ïa ka sobjek Khasi ban hikai ïa ki khynnah ha katei ka skul.
Na ka liang kine ki ar tylli ki Shnat treikam jong ka KSU ki la dep ban buh jingdawa ha u snem ba la dep ban hikai ïa ki khynnah da ka sobjek Khasi bad buh sobjek Khasi ha katei ka skul hynrei ka jingbym burom ka la pynbitar ïa ka seng haduh ba ki la phah pyllait shuti ïa baroh ki khynnah kane ka skul. Ha kane ka jingleit ban ïakren bad ki bor pynïaid kane ka skul la ïadonlang da u Bah Ricky E Lyngdoh, Rangbah Shnong Madanriting, u Bah Richard Mawkhiew, President KSU Nongthymmai Circle bad kiwei-kiwei.
