Shillong, Ïaïong 01
Ka Jylla ka la khur biang sa kawei ka takma rnong lyngba ka ‘thei ïalehkai athletics, ka Bethlyne Grace Makri ha ka 1st Khelo India Tribal Games 2026 ha Jagdalpur, Chhattisgarh.
Kane ka ‘thei ïalehkai kaba na Ri Bhoi District ka la khur ïa katei ka takma ha ka 10000mts Racewalk ha kaba ka la lah ban pyndep ha ki 1:05:18 sekhon ha ka sngi Balang. Ïa ka takma ksiar la khur da ka Neha Xalxo na Jharkhand kaba la lah ban pyndep ha ki 1:04:02 sekhon bad takma rupa da ka Alish Ekka na Odisha kaba la pyndep ha ki 1:04:59 sekhon.
Kumba ka paw kane ka dei ka jingïalehkai kaba dangthymmai hapoh ka Jylla, hynrei ka la lah ban sei ïa kawei na ki ‘thei ïalehkai kaba la rah ïa ka nam bad ka burom jong ka Meghalaya da kaba khur takma ha katei ka lympung.
Ka Bethlyne kaba dangdon ha ka jingshah pyntbit hapoh ka shlem ai jinghikai jong ka SAI Training Center, ka dangpynkhreh ruh na ka bynta ka 39th National Games 2027 ka ban long hapoh ka Jylla.
Haduh mynta ka Jylla ka la khur 5 tylli ki takma rnong lyngba kawei ka nongïalehkai athletics ka Melibad Kro ha ka Shot Put, kumjuh u Juh Pa U Juh Nongtdu ha ka jingïalehkai wrestling, ka Verem Gedaliah Nongsiej ha ka Swimming bad ka Larityngkai Lawriniang ha ka Weightlifting.
