Shillong, Ïaïong 01
Ka Young Guns CC bad ka Royal CC ki la khur jingjop kaba nyngkong ha ka Super 8 jong ka P.A.Sangma Memorial T20 Cricket Tournament 2026 ba la pynïaid da ka Shillong Cricket Association (SCA) ha ka sngi Balang.
Ha kane ka jingïakhun kaba la long ha madan ïalehkai ka MCA ha Polo, ka Young Guns ka la pynliem noh ïa ka Lok Bhawan CC da 8 run. Ka Young Guns kaba la kam trai ban tied nyngkong ka la kamai 115 run bad shah pynhap 1 wiket ha ki 10 over. U Angkit Tamang u la long u nongtied uba kynsai ha kaba u la ïoh ban khyrwit ïa ka shiteng spah kaba 80 run na ki 38 bol bad u Rudra Singh Rathore u la ïoh 24 run na ki 19 bol. Katba u Asif Khan u la khur 1 wiket.
Haba wan beh ïa ka thong, ka Lok Bhawan ka la kamai tang 107 run bad shah pynhap 8 wiket. U Jied u la tied 22 run na ki 14 bol bad u Asif Khan u la ïoh 17 run na ki 8 bol. Katba u Rudra Singh Rathore bad u Girish Raj Ray ki la khur mar 2 wiket. Ïa ka nam Player of the Match la khur da u Angkit Tamang.
Haba phai sha kawei pat ka jingïakhun kaba ar, ka Royal CC ka la jop da 3 wiket ïa ka Rhinoland Cricket Academy. Ka Rhinoland kaba la shimti ban tied nyngkong ka la kamai 168 run bad shah pynhap 8 wiket ha ki 20 over. U Rohit Sen u la tied 30 run na ki 18 bol bad u Raj Agarwal u la ïoh 29 run na ki 27 bol. Katba u Dippu Sangma bad u Reshabh Dipak ki la khur mar 2 wiket.
Ka Royal kaba la shimti ïa ka pali kaba ar, ka la lah ban kynjoh sha ka thong da kaba kamai 171 run bad shah pynhap 7 wiket ha ki 18.5 over. Kane ka la wan lyngba ka jingïalehkai bha u Raj Biswa uba la tied 48 run na ki 28 bol bad u Tarique Siddique u la ïoh 25 run na ki 18 bol. Katba u Sumit Kashyap bad u Raj Agarwal ki la khur mar 2 wiket. Ïa ka nam Player of the Match la khur da u Raj Biswa.
