Mumbai, ïaïong:
U Myntri Rangbah ka Maharashtra, u Devendra Fadnavis, u la pynbna ba ïa ki pulit kiba shakri ha ka kynhun ban ïakhun pyrshah ïa ki lehnoh Naxal ka jylla, ka C-60, yn pynkup burom da ki takma.
U Fadnavis, uba bat ruh ïa ka tnad Home, u la bthah ïa ki heh sorkar ban pynlong digital pura ïa ki rukom treikam jong ki pulit, naduh ka jingujor ejahar haduh ka jingaiti ïa ki kot ki sla, bad u la ban jur ïa ka jingdonkam ban pynbha ïa ka jingshah rai pynrem lyngba ka jingpyndonkam ïa ki kor ki bor kiba thymmai, la ïathuh ka tyllong khubor.
Haba kren sha ki nongthoh khubor hadien ka jingïalang kaba shiteng snem bad ki heh pulit ha ka lah sngi U Blei, u la ong, “Kito kiba la shakri ym duna ïa ka lai snem ha ka kynhun shipai C-60 kaba ïakhun pyrshah ïa ki Naxal kin ïoh ïa ka takma. Ïa ka rai la shim ha kane ka sngi.”
“Ha ka jingïalang jong u DG-IG, la ai ïa ki jylla 106 tylli ki mat treikam, bad ki heh jong ka Maharashtra ki la ai jingkren halor ka jingïaid shaphrang”, la ong u Myntri Rangbah ha ka jingïakren bad ki nongthoh khubor.
