Shillong, Ïaïong 01
Ka Kynhun Myntri ka Sorkar Jylla kala ai jingmynjur ban pynhiar ïa ka Value Added Tax jong ka Compressed Natural Gas (CNG), kaba hiar na ka 14.5 % ha ka 5%, pynbna u Myntri Rangbah Conrad K. Sangma ha ka sngi Balang hadien ba pynïaid ïa ka jingïalang ka Kynhun Myntri.
U Conrad u la ong ba kane ka sienjam kan pynlong ïa ka Meghalaya ban ïaid kumba long kiwei ki Jylla bad ka thmu ban wanrah ïa ka jingïakhun ban khring ïa ki kompeni pynmih gas bad agency ba kin buh ïa ki jaka treikam hapoh ka Jylla.
“Ngi la pynduna ïa ka VAT jong ngi ha ka methane gas kum ka NC na ka 14.5% sha ka 5% kaba long kumba leh kiwei pat ki Jylla,” u la ong haba ïakren bad ki nongthoh khubor.
