Shillong, Ïaïong 05
Ka Meghalaya Cricket Association, hadien ba ka la ïoh ïa ka jingmynjur na ka Cricket Advisory Sub-Committee, ka la pynbna ïa ki kyrteng ki nongïalehkai na ka bynta ki lympung ïalehkai U-19 bad U-23 NECDC Tournament, ki ban sdang naduh ka lah sngi U Blei.
Ïa kine ki lympung yn pynïaid da ka North East Cricket Development Council (NECDC) bad kan sdang naduh 6 haduh 11 tarik. Ka NECDC ka dei ka synjuk ïalehkai jong ki jylla ka thaiñ shatei lammihngi kiba kynthup ïa ka Meghalaya, Arunachal Pradesh, Manipur, Mizoram, Nagaland bad ka Sikkim.
Ïa ka lympung ïalehkai U-19 jong ki shynrang yn pynlong ha Nagaland, katba ka U-23 women yn pynlong ha Sikkim.
Ka Meghalaya ka dei ka kynhun kaba la rah ïa ka nam lahduh ha baroh ar ki lympung ha u snem ba la lah, te kumta kane ka long ka kabu ksiar na ka bynta rangïalehkai ba kin pynbiang ïa ka sap ïalehkai. Ïa ka prokram jingkilanmet jong kine ki kynhun la pynlong ha ka nongbah Shillong naduh 2 haduh 4 tarik mynta u bnai.
Na ka liang u President k MCA u James PK Sangma u la ïadon lang bad ka kynhun ki ‘thei ïalehkai ha ka sngi Saitjaiñ bad kumjuh ka kynhun ki rangïalehkai ha ka sngi U Blei, ha kaba u la ai khublei kitbok ïa kine ki kynhun ba kin ïalehkai bha khnang ba kin nanglah ban rah ïa ka burom jong ka Jylla.
Ki kyrteng ki rangïalehkai U-19 ka Jylla ki long u Apandanka Marak, Angkit Tamang, Heiyoomiki Ryngkhlem (C, WK), Ashish Kumar Lohar, Benedict J Makdoh, Dipayan Nandi (WK), Gaurav Narleng (VC), Gaurav Jyoti Thakuria, Grish Raj Ray, Krishwal Marak, Mewankitbok Kharpuri, Namewanki Pakyntein, Rudra Singh Rathore, Rimtora D Shira & Rohit Sharma,
Ki nongïarap ki long u Synrapsing Riahtam (coach), Claystone C Marak (assistant coach), Hamboy Langbang (physio) & Santosh Ram (trainer)
Ki kyrteng ki ‘thei ïalehkai U-23 ki long ka Monica L Phawa (C), Ankita Sharma, Sara D Kharbani, Pilika Marak, Monycable Marbaniang, Dianchidora Sangma, Ritreki Pohshna, Nerisa Nong -rum, Neelam Roy, Janika Marak, Suriti Kumari Ray (VC), Dubleen Nengnong, Abiezer Kharsyiem, Blaridahun Dkhar & Indariakor Kharwanñiang
Ki nongïarap ki long u Bhakupar Mylliemngap (coach), Pahara Mukhim (assistant coach), Sushma Thapa (physio), Sweety Marboh (trainer) & Sanjay Mandal (manager).
