Shillong, Ïaïong 06
Ka Friends United ka la long ka lahduh ha ka 5th District League T20 Cricket Tournament 2026 ba la pynïaid da ka East Khasi Hills Cricket Association, hadien ba ka la pynliem noh ïa ka Cricket Smit da 1 wiket ha ka sngi Saitjaiñ.
Na ka daw ka jingpynthud u slap la hap ban pynduna ïa ka jingïalehkai sha ki 18 over. Te kumta ka Cricket Smit kaba la shimti ban tied nyngkong ka la kamai 72 run hadien baka la shah pynkhyllem baroh ki nongtied ha ki 16.1 over. U Nikodomas Lyngwa u la tied 25 run na ki 22 bol. Katba u Bryan Mc Millan Marbaniang u la khur 4 wiket na ka bynta 9 wiket ha ki 3.1 over.
Ka Friends United kaba la wan shimti ïa ka pali kaba ar, ka la lah ban kynjoh sha ka thong da kaba ka la kamai 75 run bad shah pynhap 9 wiket ha ki 17.5 over. U Precious Nongrud u la tied 25 run na ki 39 bol. Katba u Pynkhrawbok Thabah u la khur 4 wiket na ka bynta 8 run ha ki 4 over.
Ïa ka nam Player of the Match la khur da u Precious Nongrud, katba ïa ka nam Player of the Tournament la ïoh da u Bryan Mac Millan Marbaniang.
Ha katei ka sngi la ïadon lang ruh u President ka Meghalaya Cricket Association (MCA) u James PK Sangma ha ryngkat ka jingdon lang u Rgh D. Kynta, Sirdar Elaka Saitsohpen, Bah Evan Maxwell Basaïawmoit, President ka Sohra Sports Association, ki dkhot ka Seng Samla Saitsohpen, Synjuk kynthei Saitsohpen lem bad ki dkhot ka District Cricket Association.
