Nongpoh, Ïaïong 06
Ki runar ki bym lah satia ban tip ki la leit ban kyndang ïa ka kor ATM jong ka Meghalaya Cooperative Apex Bank, Bhoirymbong Branch kaba don ha ka shnong Lumdaitkhla bad ïoh rong tuh ka pisa kaba long haduh T.7,77,500/- (hynñiew lak hynñiew phew hynñiew hajar sanspah tyngka) ha ka miet synñia jong ka Sngi U Blei bad Sngi Nyngkong.
Ïa kane ka jingjia, la lap da ki nongap pahara katei ka Bank ha ka step sngi Nyngkong ha ka por 8 baje eiei katba ki dang thmu ban leit plie ïa ka ATM kaba la khang khyrdep.
Halor kane ka jingjia, na ka liang ki bor ba dei khmih katei ka Bank ki la leit ban ujor da ka ejahar ha Umroi PIC bad ïa ka case la register ha thanad Umiam katkum ka Case No. 20(4)2026 hapoh bun tylli ki kyndon jong ka ain BNS bad na ka liang ki pulit ki dang pynlong ïa ka jingtohkit ban lapksai ïa ki runar kiba donkti halor kane ka kam tuh.
