Itanagar, ïaïong:
Ka Supreme Court (SC) ha ka lah sngi U Blei ka la bthah ïa ka CBI ba kan buh jingthoh ïa ka jingtohkit ba hashwa hapoh ar taïew halor ka jingai kontrak na ka bynta ki kam paidbah ha Arunachal Pradesh sha ki kompeni ba la kynnoh ba la long trai da ki bahaïing hasem jong u Pema Khandu, Myntri Rangbah ka Jylla.
La ïathuh ha ka ïingbishar bahakhlieh duh ba ïa ki kontrak sorkar bad ki jingbthah trei kiba shongdor kumba 1270 klur tyngka la ai ha kine ki 10 snem ba la dep sha ki saw tylli ki kompeni kiba ïadei bad kiba haïing hasem jong u Khandu. Ka ïingbishar ka la bthah ïa ka kynhun CBI ban ai ïa ka kaiphod jong ka jinglong jingman hakhmat jong ka halor katei ka kam hapoh 16 taïew.
