Shillong, Ïaïong 07
U Myntri ka tnad pule-puthi, Bah Lahkmen Rymbui u la ai jingïaroh ïa ki khynnah pule, ki nonghikai, bad ki kmie ki kpa hadien ba ka Meghalaya ka la sakhi ïa ka jingdon jong 86.84% kiba ‘pass’ ha ka eksamin SSLC-2026.
Haba thoh ha ‘X’, u Bah Rymbui u la ong: “Ka jingai khublei ïa baroh ki khynnah pule kiba la ‘pass’ da kaba ïoh 86.84% ha ka eksamin SSLC, 2026. Ka jingai khublei ïa ka jingminot ba ïaineh jong phi, ka jingaiti lut jong ki nonghikai & ka jingkyrshan jong ki Kmie ki Kpa. Ka jingnang kiew ha ka jingleh bha ha kylleng ka Jylla ka pyni ïa ka jingbteng jong ka jingkiew shaphrang jong ka tnad pule-puthi. Ka jingkitbok-kitrwiang na ka bynta ban leh bha shuh-shuh hadien-habud.”
Ka Meghalaya Board of School Education (MBOSE) ka la pynbna ïa ka risol jong ka SSLC ha ka Sngi Ba-ar.
Na ki 48,623 ngut ki khynnah pule kiba la ïakhun ïa kane ka eksamin, ki don 42,228 ngut kiba la ‘pass’.
