Shillong, Ïaïong 07
Uwei u samla uba dang 26 snem ka rta, u la duh ei noh ïa la ka jong ka jingim hadien ba u la shah thombor da ka wait ha uwei pat u briew.
Katkum ka khubor kaba la ïoh na ka website jong ki pulit la ong ba u Bah J Suchiang u la ai ka jingujor ba ha ka 3 tarik mynta u bnai, ha ka por kumba 11.30 mynmiet, uwei u briew ba la tip kyrteng kum u Pyrkhat Kanai (33 snem) u la thombor ïa u para jong u, uba la tip kyrteng kum u Wanhima Suchiang (26 snem), da ka wait ha ka shnong Pdeintalo ha West Jaiñtia Hills.
La ong ba ha kane ka jingjia shah thombor, une u samla u la mynsaw bad ha kaba la pynkit noh mar mar sha ka jaka ai jingsumar ha CHC Namdong, ha kaba la pynbna ba u la khlad noh.
