New Delhi, ïaïong:
U Myntri Rangbahduh u Narendra Modi, u la ong ba katba ka sorkar jong u ka dang pynlong ïa ka ‘Operation Sindoor’ halor ki ktem lehnoh ha Pakistan, ka Congress ka dang ïai bteng ban “rwai ha ka sur” jong ka ri ba marjan.
Haba kren ha ka jingïalang elekshon ha Barpeta distrik jong ka Assam, u la kynnoh ruh ba ka seng pyrshah ka shim ïa ka jingmut kaba jngai halor ka roi ka par, katba u la pynskhem ba ka BJP ka phaikhmat sha ka roi ka par kaba jngai.
“Ka seng ka ju shim ïa ki lad ki lynti kiba lyngkot khnang ba kin lah ban pynngop ha ki kam bamsap. Hynrei ka BJP ka peit shakhmat katba ka dang shim ïa ki rai na ka bynta ka roi ka par baroh sawdong jong baroh ki bynta jong ka imlang sahlang”, la ong u Modi.
U Modi, u la kynnoh ba ha ka por jong ki jinghiar thma jong u snem 2016 lane ka ‘Operation Sindoor’ jong u snem 2025, ka Congress ka ju rwai ha ka sur jong ka Pakistan, da kaba ai jingmut ïa ka agenda jong ki.
“Kane ka jingïadei bad ka Pakistan ka ju pynkhia jingmut bha ïa ka ri bad ngim lah satia ban ailad ïa kata,” u la ong.
U Modi u la kynnoh ruh ba ka seng kaba la rim bha ka la iehnoh beiñ ïa ki shipai da kaba kyntait ban pyntreikam ïa ka ‘One Rank, One Pension’ na ka bynta ki heh shipai da ki phew snem.
Hynrei ka sorkar BJP ka la pynthikna ba la leh hok ïa kito kiba ïada ïa ka ri da kaba ai ïa kane ka jingmyntoi, u la ong.
