Jerusalem, Iaiong:
U Myntri ka tnat ïada jong ka Israel, u Israel Katz, ha ka Sngi Nyngkong u la pynbna ba ka Israel ka la ioh ban pynjulor ia kawei ka shlem treikam ba kongsan eh jong ka Iran, ha kaba, ki tnat wad bniah jong ka Israel ki dang wad bniah ia ka jingjulor bad jing duhnong jong katei ka jaka na katei ka jingther bom jong ka Israel.
Kane ka complex kaba don ha ka thain Pars ka shakri ia ka jaka tih dewbilat jong ka Iran ha South Pars, kaba dei ka jaka tih dewbilat kaba heh tam ha ka pyrthei, kaba ka iasam lang bad ka Qatar, bad kaba ka Israel ka la shah ktah mynshwa ha u bnai ba la dep.
Ki shipai “ki dang shu pynlong ïa ka jinghiar thma kaba khlaiñ bha ïa ka jaka shna dewbilat kaba heh tam jong ka Iran, kaba don ha Asaluyeh, ka thong pdeng kaba kitkhlieh ïa kumba 50% na ka jingpynmih dewbilat jong ka ri”, ong u Katz ha ka video katba u dang pynbna ïa kane ka jingpynbna.
Ka Israel, ka la pynlong ïa kum kane ka jinghiar thma, ha ka Mahshahr Petrochemical Special Zone, kaba don ha ka thaiñ Khuzestan, kaba don ha ka thaiñ shatei lam mihngi jong ka Jylla Khuzestan, ha ka sngi Saitjaiñ, ong uwei u heh sorkar jong ka Iran, ha kaba u la bynrap ba 5ngut ki briew ki la ïap.
Ka National Petrochemical Company ka la ong ha ka sngi Nyngkong ba ka jingpluh ding ha ka jaka jong ka ha Pars ka la lah ban tehlakam bad ba ym shym la don kano kano ka jingmynsaw, ong ka kyrwoh ba la rah da ki lad pathai khubor jong ka jylla.
“Ka jinglong jingman mynta ka dang don hapoh ka jingpyniaid, bad ki bynta ba iadei bad ka jingstad, bad kumjuh ruh ia ka jingheh jong ka jingjulor, ki dang don hapoh ka jingtohkit,” la ong ka kyrwoh.
Hadien ha ka sngi Nyngkong, ki bor synshar shnong ki la iathuh ba ki jingiakhih ki la ktah ia kawei pat ka jaka shna umphniang ha Marvdasht kaba kham shaphang shathie, la iathuh ka tnad pathai khubor Fars, da kaba bynrap ba la lah ban tehlakam ia ka jingpluh hangtei.
Ka Israel ka la pynlong ruh ïa ki jinghiar thma ha u bnai ba la dep ïa ki jaka pynmih gas ha Asaluyeh kiba ïadei bad ka jaka pynmih gas ha South Pars.
Ka Iran ka la jubab ha katei ka por da kaba thombor ïa ki karkhana pynmih gas bad ki karkhana pynmih umphniang ha Saudi Arabia, Kuwait bad Qatar, ha kaba ka bor synshar shipai jong ka ka la kular ban “pynjot pura” ïa ki jingtei bor ding jong ka Gulf lada ka jinghiar thma jong ka Israel kan jia biang.
