Shillong, Ïaïong 07
Ka Meghalaya Board of School Education (MBOSE) kan sa pynlong ïa ka eksamin ‘Supplementary’ jong ka SSLC na bynta u snem 2026, ha kaba yn plie ïa ka jingthep phom lyngba ka ‘Online’ ha ka 14 tarik u Ïaïong.
Ka jingpynbna ba la pynmih da u Director of Accreditation & Controller of Examinations, MBOSE, u T.R. Laloo ha ka Sngi Ba-ar ka la ong ba ka tarik sdang ban pyndap phom lyngba ka ‘Online’ kan long ha ka 14 tarik Ïaïong, katba ka tarik khatduh kan long ha ka 21 tarik Ïaïong.
Ki tarik la kumno-kumno ba la buh ban pynlong ïa kane ka eksamin kin long naduh ka 1 tarik u Jymmang haduh ka 8 tarik u Jymmang, 2026.
“Ki kyrtong ki bym shym la seisoh ha ka eksamin SSLC ki lah ban aplai ïa ka eksamin ‘Supplementary’ ha baroh ki sobjek kiba pheil,” ong ka jingpynbna.
Ka la bynrap shuh shuh ba ki kyrtong “kin aplai lyngba ki jaka thoh eksamin ba la buh kyrpang na bynta kane ka eksamin (Supplementary) ïa kaba yn sa pyntip ha ka por kaba biang.”
Ïa ki jingtip ba bniah halor kane ka eksamin yn sa buh ha ka www.mbose.in.
