Shillong, Ïaïong 07
Ka Shillong Lajong FC ka la mad ïa ka jingshah rem noh ha ka Dempo SC da 3-0 kol ha ka lympung ïalehkai Indian Football League ha ka sngi Ba-ar ha PJN Stadium, Goa.
Kane ka long ka jingshah rem kaba nyngkong ïa kane ka kynhun ïaleh-kai ka nongbah ha ka jingïalehkai shabar na la ïing bad ka dei ka jingjop kaba nyngkong eh ïa ka Dempo. Ha ki jingïalehkai ba la lah, ka Lajong ka la ïakhaid khlem don ba shah rem pyrshah ïa ka Sreenidi Deccan, kumjuh ka la jop ïa ka Gokulam Kerala da 2-0 kol bad ïa ka Chanmari FC da 2-1 kol.
Hynrei kane ka jingïa-khun ka Lajong ka la shem jingeh ban pyni ïa ka mynsiem ïakhun ha kaba ka la shah thep ar kol ha ka kylla step. Kane ka la wan lyngba u Marcus Joseph tang mar ïasdang ka jingïalehkai ha ka minit kaba 8 bad kawei pat la thep da u Kapil Hoble (25).
Ka Dempo ka la ïoh ban thep biang sa shi kol lyngba ka penalty ba la shut da u Richmond Kwasi Owusu (55). Kane ka jinglah ban thep kol ka la nangpynskhem ïa ka Dempo na ka bynta ban kynjoh sha ka thong, hadien ba ki rangïalehkai ka Lajong kim shym la lah ban pynphai haduh kaba kut ka jingïalehkai.
Lyngba kane ka jingshah rem ka Lajong ka la duh ïa ka lad ban jam sha ka kyrdan ba-ar ha kane ka lympung bad ka la iai sah ha ka kyrdan ba saw bad 11 poiñ na ki hynñiew sien ïakhun. Katba ka dangsah ha ka kyrdan ba-ar na shatrai watla ka la kamai 6 poiñ, hynrei ka la tam da 4 poiñ ïa ka Real Kashmir kaba don ha ka kyrdan ba shatrai.
Te kumta ka Lajong kan leit sha Ludhiana na ka bynta ban ïakhun pyrshah ïa ka Namdhari FC ha ka 10 tarik bad kane kan long ka jingïalehkai kaba khatduh shabar na la ïing jong ka wat kaba nyngkong ha ka IFL 2025-26.
