Shillong, Ïaiong 07
Ka Gorkha Pathshala Higher Secondary School, Shillong ka la poi ha ka kyrdan ba nyngkong ha ka Top-20 ha ka jingpynbna ka Meghalaya Board of School Education (MBoSE) ïa ka risol Secondary School Leaving Certi-ficate 2026 kaba la long mynta ka sngi.
U Wangaal Lama na Gorkha Pathshala Higher Secondary School, Shil-long u la wan ha ka kyrdan kaba nyngkong u la ïoh 585 mark, bud sa u Vishal Kumar na Embee Rosebud Higher Secon-dary School,Tura uba ïoh 567 mark, ka Prajukta Roy na Seven Set Higher Secondary School, Shil-long kaba ïoh 575 mark.
Kiba ïakhun ïa ka eksam SSLC mynta u snem ki don 48,623 ngut, kiba pass tang 5 sobjek ki don 9,104 ngut bad kiba pass baroh ki long 42,228 ngut bad ka poi 86 percentage.
Ka St. Anthony’s Higher Secondary School, Shillong ka ïoh 6 ngut kiba don ha ka thup Top-20, ka All Saint’s HSS Shillong ka ïoh 5 ngut, ka Seven Set HSS Shillong ka ïoh rung 3 ngut bad ka Gorkha Pathshala Higher Secondary School,Shillong ka ïoh rung 3 ngut kynthup ïa uba wan ha ka kyrdan kaba nyngkong.
