Shillong, Ïaïong 08
Ka ïingbishar Meghalaya High Court ka la bthah ïa ka Ministry of Defence ba kan pynsted ïa ka kam ba ïadei bad ka jaka kaba don hajan ka Cantonment Board, kaba la ithuh na ka bynta ban pynkynriah noh ïa ki 342 tylli ki longïing Harijan na Them Iew Mawlong.
“Ngi khmih lynti ba ka Regional Office jong ka Ministry of Defence, Kolkata kan pynkloi ïa kane ka kam shwa ka tarik kaba bud,” ong ka division bench kaba kynthup ïa ka Chief Justice Revati Mohite Dere bad u Justice W Diengdoh ha ka hukum ba la mynjur ha ka sngi Ba-ar.
Ka ïingbishar ka la pynjlan ïa ka jingbishar ïa ka petitions jong ka Harijan Panchayat Committee sha ka 20 tarik Jymmang, 2026, da kaba kdew ba ka jingïakren pynbeit hapdeng ki arliang mamla ka dang ïaid shakhmat.
“Namar ba ki jingïakren pynbeit ki dang ïaid shakhmat, ki nongïasaid na ka bynta ki arliang mamla ki la pan por. Ka por la ai,” la thoh ka bench ha ka hukum jong ka.
Ha kane ka jingbishar, u Advocate General A Kumar u la pyntip sha ka ïingbishar ba la ithuh ïa ka jaka ban pynkynriah.
“Ïa ka jaka la ithuh hajan ka Cantonment Board bad ka kam ba ïadei bad ka jaka ka dang sahkut hakhmat ka Regional Office jong ka Ministry of Defence, Kolkata,” la kdew ka ïingbishar.
