Dhaka, Iaiong:
U Indian High Commissioner sha Bangladesh u Pranay Verma u la ïakynduh ïa u Myntri Rangbahduh ka Ri Bangladesh u Tarique Rahman ha ka nongbah Dhaka ha ka Sngi Ba-ar. Kane ka jingiakynduh ka la long ha ka step jong ka sngi Sngi Ba-ar thik ha shuwa ba u myntri kam bar ri ka Bangladesh u Khalilur Rahman un wan sha India ha kane ka taiew.
U Khalilur Rahman, myntri kam bar ri jong ka Ri Bangladesh, un don ha India ha shwa ba un leit sha ka Indian Ocean Conference ha Port Louis, Mauritius, ha kaba kut jong une u bnai.
Ha ka jingpynbna halor ka platform micro-blogging X, ka Indian High Commission ha Dhaka ka la ong, “U High Commissioner u Pranay Verma u la leit ban ïakynduh burom ïa u Myntri Rangbahduh ka ri u H.E. Tarique Rahman ha ka 6 tarik u ïaiong 2026.”
“U High Commis-sioner u la pynsngew ia ka jingthmu jong ka India ban iatreilang bad ka Sorkar bad ki paidbah ka Bangladesh da kaba shim ia ka rukom treikam kaba bha, kaba tei bad kaba khmih sha khmat bad kaba pynshong nongrim ha ka jingmyntoi lang bad ka jingmyntoi lang,” la bynrap shuh shuh ka kyrwoh.
Ki tyllong khubor na Bangladesh ki la ïathuh ba ïa kane ka jingleit jngoh la buh ha ka kyrdan kum ka jingtei ïa ka nongrim na ka bynta ka jingïadei kaba neh ha ka saiñ hima sima bad ka jingïadei kaba myntoi lang hapdeng ki ri ha ka por ba ka jinglong jingman jong ka pyrthei ka don ha ka jinglong kaba jynjar bad ka jingïakynad kaba dang ïaid shakhmat ha ka thaiñ Sepngi Asia.
U Khalilur Rahman yn synran lang ha Delhi da u nongai jingmut jong u PM ka Bangladesh u Tarique Rahman ha kaba ia dei bad ki kam bar ri u Humayun Kabir. Kane kan dei ka sien kaba nyngkong eh ban leit sha Delhi da u Myntri Myntri hadien ba ka Sorkar BNP ba la ïalam da u Tarique Rahman, ka la shimti ïa ka kam ha u bnai February mynta u snem.
Ha India, u Khalilur Rahman, un leit ban ia kynduh ia U Ajit Doval, u nongai jingmut jong ka tnad iada ri bad u myntri kam bar ri u S. Jaishankar.
U Rahman un leit ban ïakynduh burom ïa u Myntri ka khaii pateng jong ka India u Piyush Goyal bad ïa u myntri ka tnat Petroleum and Natural Gas u Hardeep Singh Puri katba ka India ka dang pynkhlaiñ ïa ka jingpynbiang kyrkieh sha ki ri marjan kiba la shah ktah ha ka thma West Asia.
