Shillong, Ïaïong 08
Ka Seng Khasi Kmie ka pyntip ba ka Shad Suk Mynsiem kan long ha ka 11, 12 & 13 tarik u Ïaïong, 2026, ha Lympung Weiking, Jaïaw, Shillong.
Kane ka shad ka kmen ka long ka jingkynmaw bad jingainguh u khun Khasi-Khara ba shisien shi snem ïa U Blei, Trai Kynrad, U Nongthaw – u Nongbuh najrong natbian ban neh la ka Hok, ka Riti, ong ka kyrwoh khubor u Rgh O. Pyngrope President Seng Khasi Kmie.
Ka Seng Khasi Kmie, ka khot bad wer ïa ki khun ka Ri ki nongshad shynrang-kynthei ban ïapoi lang ha kane ka shad ka kmen ha la ka riam ka beit pura, ban phuh ban phieng la ka kam, ban sah pyrto don burom la ka Ri.
