Nongstoiñ, Ïaïong 08
Ka Evergreen FC na East Khasi Hills District ka la rah ïa ka nam lahduh ha ka lympung ïalehkai Open To All Knockout Football Tournament 2025-26 ba la pynlong da ka New Nongstoiñ Sports Social & Cultural Club ( NNSS&CC), hadien ba ka la lah ban pynliem noh ïa ka Mawjai FC da 3-1 kol ha ka jingïalehkai final kaba la long ha ka sngi Balang ha madan New Nongstoiñ.
Te kumta ka Evergreen ka la khur ïa ka nam lahduh ka la ïohpdiang ïa ka song pisa kaba T. 2 lak tyngka, katba ka Mawjai ka la ïoh T. 1 lak tyngka ha ryngkat ki medal bad trophy. Ïa ka nam Man of the Match la khur da u Ming Suting na ka Evergreen FC. Ïa ki khusnam la sam da u Bah Sraly Rashir, MDC ka Mawshynrut bad ha kajuh ka por kum u Sordar ka Shnong New Nongstoiñ kum u kongsan, ha ka jingïadonlang ruh ki riew rangbah, ki dkhot ka NNSS&CC.
