Shillong, Ïaïong 09
Ka Education Committee jong ka Jaïaw District ka la pynkut noh ïa ka 4th Inter School Sports Meet ha ka 7 tarik ha kaba san tylli ki skul ka Balang Presbyterian ki la ïashim bynta ha madan Pohkseh.
Kine ki skul ki kynthup ïa ka Nongrah Presby -terian Secondary School, Mairung Presbyterian SS, Lummawsiang Presbyte-rian L.P.S, Mawlynrei Pres -byterian L.P.S, Mawlyn-dep Presbyterian L.P.S.
Ïa kane ka lympung la plie da u Bah Charles Pyngrope, MLA ka Nong-thymmai Constituency, ha ryngkat ka jingdon lang u T.Bn F.J Mairom, Tbn K.D Ramsiej, I principal ka skul, ki nonghikai, ki kmie ki kpa bad kiba shah khot sngewbha.
Haba ai jingkren sha ki khynnah skul, u MLA u la ai mynsiem ia ki khynnah skul ba ki dei ban don kawei ka thong bad kawei ka jingthmu ha ka jingim jong ki ba kin lah ban ïaid shaphrang ban poi sha ka jingjop.
La pynphuh pynphieng ïa kane ka sngi da ka march past ha kaba la shimbynta kine baroh 5 tylli ki skul ha ryngkat ki jingtem na ka kynhun shipai jong ka 58 GTC Marching Band.
