New Delhi, ïaïong:
Ka sorkar India ka la pynmih paidbah ïa ka aiñ jong ka Andhra Pradesh Reorganization (Amendment) Act, 2026 ha ka Gazette, kaba pynskhem ïa ka Amaravati kum ka nongbah jong ka jylla Andhra Pradesh.Kane ka aiñ, kaba la ïoh ïa ka jingmynjur jong ka President ha ka 6 tarik, Ïaïong, ka pynkylla ïa ka bynta kaba 5 jong ka aiñ jong u snem 2014, da kaba bujli ‘bad kan don ka nongbah kaba thymmai’ da kaba ‘bad ka Amaravati kan long ka nongbah kaba thymmai.’
Ka pynshai ruh ba ka Amaravati ka kynthup ïa ki jaka ba la pynbna katkum ka aiñ APCRDA, 2014. Ïa kane ka jingpynkylla la shim ba kan treikam naduh ka 2 tarik u Jylliew, 2024. Haba pynpaw ïa ka jingkmen halor kane ka Gazette notification, u Myntri Rangbah ka jylla u N Chandrababu Naidu u la batai ïa kane kum ka jingjop ïa ki paidbah, khamtam ïa ki nongrep ka Amaravati.
Ha ka rynsan X, u la ai khublei ïa ka President Droupadi Murmu, u Myntri Rangbahduh ka ri u Narendra Modi, ki MP, bad ki nongshong shnong na ka bynta ka jingkyrshan jong ki ban pynurlong ïa ka ‘jingthrang ba la buh kyrpang jong ka nongbah jong ngi’.
