Shillong, Ïaïong 12
Ka Shillong Cricket Association (SCA) kan pynlong ïa ka lympung ïalehkai Inter School U-18 Cricket Tournament 2026 naduh 15 tarik mynta u bnai ha madan Polo.
Ki kynhun ki ban ïakhun ha katei ka sngi sdang ki long hapdeng ka Kendriya Vidyala (Happy Valley) pyrshah ïa ka Nongthymmai Nepali School ha ka por 8:30 mynstep, katba ha ka por 12:30 mynsngi ka St. Nanak SS ïa ka Gorkha Patshala.
Ha kane ka lympung yn wan ïashim bynta da 13 tylli ki kynhun ha kaba la phiah ïa ki ha ki saw tylli ki group. Ha ka Group-A ki kynthup ïa ka St. Nanak SS, Gorkha Patshala, Littli Angles School bad ka BK Bajoria. Ha ka Group-B ki long ka St. Anthony’s HSS, Sunrise Academy bad ka Gandhi Buniyadi School. Ha ka Group-C ki long ka RB Anupchand Hindi SS, Madrasa H. Islam LP/UPS bad ka St. Xeviers SS. Katba ha ka Group-D ki long ka Kendriya Vidyala (Happy Valley), Shillong HSS bad ka Nongthymmai Nepali School.
Kat kum ka prokram la ong ba ki ar tylli ki kynhun ki ban wan ha ki kyrdan ba hakhlieh kin ïoh rung sha ka quarter final, katba ïa ki tarik na ka bynta ki jingïalehkai semi final bad final yn sa pynbna hadien.
