Shillong, ïaïong 12
Ka Mayfair Secondary School Laitumkhrah ka pynpaw ïa ka jingsngew kmen kaba khraw ba ka Skul ka la ïoh 100% ka jingpas ki khynnah ha ka eksamin Secondary School Leaving Certificate 2026.
Ka Mayfair Secondary School ha kane ka eksam SSLC 2026 ka phah 27 ngut ki khynnah bad na kine 20 ngut kiba la wan ha ka kyrdan ba nyngkong, katba 7 ngut kiba la wan ha ka kyrdan ba ar, ong ka kyrwoh khubor ka Kong R. Syiem kaba dei principal jong ka skul.
Kum ka skul ka pynpaw ka jingsngew kmen kaba khraw ba ki khynnah pule jong ka skul ki la lah ban lehbha bad ban pas ha ka kyrdan ba shakhmat, da kaba kdew ba kane ka jingpas bha ki khynnah ka pyni ba ka skul ka long kaba khlaiñ bad kane ka jingjop jong ki khynnah ka long ka burom ïa ka skul.
Ka skul ka ai khublei ruh ïa ki nonghikai kiba la trei shitom bad minot ban ai jinghikai kaba paka ïa ki khynnah skul bad kaba la wanrah nam bad burom ïa ka skul baroh kawei.
