Shillong, Ïaïong 12
Ka lympung ïalehkai Women Football League ba la pynïaid da ka Tyrsad Area Sports Association (TASA) ka la nangjam shaphrang ha ka sngi Saitjaiñ ha kaba ka Mawsadang SC bad ka Mawlum Tyrsad SC ki la khur jingjop.
Ha ka jingïalehkai kaba la long ha madan Mawlum kaba Tyrsad, ka Mawsadang ka la pynliem noh ïa ka Nongmadan SC da 3-0 kol.
Ha kane ka jingïakhun ki nongïalehkai ka Mawsa -dang ki la ïakhun tyngeh naduh kaba sdang ha kaba ka Jenisha Hynñiewta ka la ïoh ban pynkhih jar nyngkong ha ka mint kaba 8 bad ïa ka kol kaba ar la thep da ka Shaliioris Hynñiewta (23) na ka bynta ban tam ar kol ha ka kylla step. Ka Jenisha ka la thep biang sa shi kol ha ka minit kaba 52 jong ka kylla miet bad ban pynlong ïa katei ka kynhun ban khur syndon ïa ka jingjop.
Haba phai sha kawei pat ka jingïakhun kaba ar pat ka Mawlum Tyrsad ka jop da 1-0 kol ïa ka Mawliehpoh SC bad ïa kane la thep da ka Ibashembha Khongsit ha ka minit kaba 15.
