Shillong, ïaïong
Kum shibynta jong ka jingrakhe Diamond Jubilee ka Seng Samla Katholik Mawlai Phudmuri (SSKP) ha ka sngi Saijaiñ ka la pynlong ïa ka “One Day Family Workshop” kaba ai jinghikai ïa ki khun samla ka Balang haba ïadei ka kam shongkha shongman bad ka bynta jong u Kpa ha ka ïing ka sem.
Ha kane ka jingïalang la ïakren ruh halor ki mat, ka jingdonkam ïa ka jingdon bynta lang u Kpa ha ka ïing ka sem, ban tip bniah ïa ki jingeh ki longkmie, ban pynbeit ïa u khynnah ha ka lynti kaba dei ha ka por kaba biang, jied ka jingïalang paralok bad ban sngewthuh ïa la ka kynhun.
Ka SSKP ka pynpaw ïa ka jingsngewnguh ïa ka Mawjam Event Network na ka bynta ka jingïatreilang jong ka bad kaba la ai jingkyrshan ha ka ban pynlong ïa kane Workshop ba shisngi kaba jop, kumjuh ruh ka ai khublei ïa ki nongai jingkren bad ïa baroh ki nongïashimbynta ha katei ka Workshop.
