Shillong, Ïaïong 12
Ka North Eastern Institute of Ayurveda and Homoeopathy (NEIAH), Mawdiang-diang, Shillong, ka la pynlong ïa ka “Celebration Of World Homeopathy Day” ha ka Sngi Thohdieng, naduh ka por 10 baje mynstep, ha ka lyngkhuh sngikha kaba 271 jong u Dr. Samuel Hahnemann, nongseng ka ‘Homoeopathy’.
Ha katei ka sngi, la don lang ruh u Prof. (Dr.) A.K. Dwivedi, HOD ka Department of Physiology & Biochemistry, SKRP Gujrati Homoeopathic Medical College, Indore, MP, India kum u Kongsan; Prof. Lakhon Kma, Chairman Board of Studies NEIAH, HOD, Department of Biochemistry, NEHU, Shillong kum u Symbud Kongsan; Prof (Dr.) Vijay Kumar, Director (i/c), NEIAH; Bah A. Wanshai Shynret, Deputy Director, NEIAH bad Dr. B.P. Chyne, Principal (I/C) College of Homoeopathy, NEIAH.
Ïa kane ka jingïalang la sdang da ka ‘Virtual Programme’ jong ka National Commission of Homoeopathy, New Delhi, bud sa ka jingthang ïa ka sharak.
La ïoh ruh ïa ka jingkren pdiang sngewbha kaba lyngkot na u Director (i/c) ka NEIAH, ha kaba la pynbud pat da ka jingkren lyngkot na u Deputy Director, NEIAH.
Ha kane ka sngi la ïoh ruh ïa ka jingbatai lyngkot jong baroh ki kam ba ïadei bad ka taïew jong ka ‘World Homoeopathy’ kaba la ïasam da u Dr. Jayanta Talukdar, Organising Secretary jong ka prokram.
Ka jingkren na u Symbud Kongsan, u Prof. Lakhon Kma ka la pynleit jingmut halor ka jingwad bniah kaba pynshong nongrim ha ki sabut ban pynlong ïa ka ‘Homoeopathy’ kaba lah ban shaniah bad kaba pdiang.
U Prof. (Dr) A.K. Dwivedi, ha ka jingkren jong u, u la pynshlur ïa ki samla pule ban pyndonkam ïa ka jingtip ‘AI’ na ka bynta ban pynbha ïa ka ‘Homeopathy’ bad ruh ban ïaid shakhmat bad ki kam wad bniah ha ryngkat ka jingpynmih ïa ki kot wad bniah na ka bynta ban pynbha shuh-shuh ïa ka rukom sumar ‘Ayush’.
Ha ka jingkren jong u ha ka liang ka saian, u la kren halor ka phang, “The scope of Homoeopathy in Aplastic Anaemia”.
Nalor kane, ka la don ruh ka jingsam khusnam na ka bynta ki jingïakop bapher-bapher ba la pynlong ha kane ka taïew ‘Homeopathy’ kaba la sdang naduh ka 1 tarik Ïaïong – 7 tarik Ïaïong kum shi bynta jong ka jingrakhe ïa ka ‘Homeopathy Day’.
Khatduh eh la ïoh ïa ka jingkren ai khublei na ka Dr. B.P. Chyne, Principal (I/C) College of Homoeopathy, NEIAH.
Ka jingïalang ka sakhi ïa ka jingïashim shit rhem na ki samla pule doktor, ki doktor, ki nonghikai bad ki nongtrei ka NEIAH.
Kane ka long ka kyrwoh na u Bah A. Wanshai Shynret, Deputy Director (Admn), NEIAH, Shillong.
