Shillong, Ïaïong 13
Ka MDC Multipurpose Higher Secondary School ka la ïoh ïa ka nam ‘Overall Champion’ ha ka Block Level Inter School Athletics Meet 2026 ba la pynlong da ka Mawphlang Sports Club ha ka sngi Thohdieng ha madan Lawkyntang kaba ha Mawphlang, katba ïa ka nam lahduh ha ka March Past la rah da ka Seng Khasi SS, Mawphlang.
Ïa ka nam lahduh ha ka liang ki shynrang la rah da ka St. Paul HSS ha ka liang ki shynrang bad ka MDC Multipurpose HSS ha ka liang ki kynthei.
Ka MDC Multipur-pose HSS ka la khur ruh ïa ka nam lahduh ha ka kyrdan ïalehkai jong ka Under-14 jong ki shynrang bad kynthei. Ha ka Under-16 la rah da ka St. Paul HSS ha ka liang ki shynrang bad ka Multi-purpose HSS ha ka liang ki shynrang.
Ïa ka nam Best Athle-tes ha ka liang ki khynnah Under-14 la ïoh da u Batista L. Nonglait (Seven Day) bad ka Narisha Khyriem (Multipurpose HSS). Katba ha ka Under-16 la ïoh da u Felix Damang Kynsai Lamin (St. Paul HSS) bad ka N.A Kurbah (MDC Multipur-pose HSS).
Ïa ki khusnam la sam da ka BDO Mawphlang Block ka Tolino Chishi (IAS) kum ka kongsan ha ryngkat ka Kong S. Pyrtuh, EE Electrical Divi -sion Mawphlang kum ka symbud kongsan, u Bah CA Lyngdoh, Lyngdoh Hima Mawphlang kum uba shah khot sngewbha, ha ryngkat ka jingïadon lang ki dkhot nongpynïaid jong ka Mawphlang Sports Club ba kynthup ïa u Bah Auspicious L. Mawphlang, President, ki nonghikai jong ki skul katei ka thaiñ bad kiwei.
