Shillong, Ïaïong 14
Ki nongïakura ka Jylla ki la khur ïa ka jingjop ha kaba sdang ïa ka 8th Youth (U-19) Men & Women National Boxing Champion -ship 2026 ha ka sngi Ba-ar ha Guwahati, Assam.
Ha kane ka jingïakura jong ka preliminary bout, u Amethyst Synnah (50kg) u la pynliem noh ïa u rangïakura na Rajasthan u Faijan da 4-1 poiñ bad u Kibanroi Syngkli (55kg) u la jop ïa u Lokanath na Odisha da 5-0 poiñ.
Katba ha ka liang ki kynthei, ka Priskime S Sangma (54kg), Melba-rine Swer (57kg) bad ka Sanphika Mynsong (60kg) ki la shah rem noh ha ka preliminary bout.
Ha kane ka lympung kaba la sdang naduh ka sngi Ba-ar bad ka ban kut ha ka 9 tarik mynta u bnai, ka Meghalaya Boxing Association (MBA) ka la sei 10 ngut ki nongïakura kiba kynthup ïa 5 ngut ki kynthei bad 5 ngut ki shynrang.
