Shillong, Ïaïong 15
Ka Asian Champions League ka la thmu ban pyniar na ki 24 sha ki 32 tylli ki kynhun, la ong ki bor pynïaid ha ka sngi Ba-ar, da kaba bynrap ba kan kyntiew ïa kane ka jingïalehkai.
Kane ka sienjam kan treikam naduh ka samoi ïalehkai ka ban wan ynda la soi ïa ka da ka executive committee komiti jong ka Asian Football Confederation, la ong ka AFC, da kaba pynpaw ka jingïaroh halor kane ka sien jam.
Ka bynta jong ki kynhun jong ka jingïakhun ki klob ba paw na ka dewbah la phiah ha ki ar bynta, ka East bad ka West, shwa ban jam sha kawei pat ka wat jingïakhun.
Ka jingpynbeit kan dang long kumjuh, hynrei ka jingdon ki kynhun ha kawei pa kawei ka group kin treikam naduh u snem 2026-27 ha kaba kin kiew na ka 12 sha ka 16 tylli ki kynhun ha kawei pa kawei ka group.
Ki hynriew tylli ki kynhun ki ban wan ha ki kyrdan ba kham shakhmat na kawei pa kawei ka group kin jam sha kawei pat ka wat jingïakhun ka ban don 16 tylli ki kynhun, katba ki kynhun ki ban wan ha ka kyrdan ba hynñiew haduh shiphew kin ïakhun ïa ka ‘playoff’.
Ïa kane ka lympung yn pynïaid kat kum ka AFC Champions League Elite jong ka aïom ïalehkai 2024/25.
