Shillong, Ïaïong 16
Ka Shillong Lajong kan pynkhreh ïa ka jingïalehkai ‘North-East Derby’ ha la ïing na ka bynta ka lympung Indian Football League pyrshah ïa ka Aizawl FC ka ban long ha ka sngi Saitjaiñ ha SSA Stadium, Shillong ha ka por 5 baje janmiet.
Dangshen ha ka jingïalehkai ba la lah shabar na la ïing, ka SLFC ka la pynliem ïa ka Namdhari FC da 2-0 kol, katba ka Aizawl ka la shah rem ha ka Dempo da 3-0 kol.
Kumba ka long mynta ka Lajong ka la don ha ka kyrdan basaw ha kaba ka la kamai 14 poiñ na ki phra sien ïakhun, katba ka Aizawl ka la don ha ka kyrdan ba hynriew bad kamai 9 poiñ.
Halor katei ka jingïalehkai ha la ïing, ki bor pynïaid ka Lajong ki la pynbna ban die ïa ki tiket na ka bynta ki paidbah nongpeitkai ha kaba ki lah ban ïoh na Electronic Centre (Police Bazaar), Cafe Shillong (Laitumkhrah) & SSA Stadium Ticket Counter.
