Shillong, Ïaïong 16
Ka Shillong Cricket Association ka la sdang ïa ka lympung ïalehkai Inter School Under-18 Cricket Tournament 2026 ha ka sngi Balang ha kaba la wan shim bynta da 13 tylli ki skul kiba na kane ka nongbah.
Ha katei ka jingïakhun ka St. Nanak SS ka la pynliem noh ïa ka Gorkha Pathshala da 8 wiket. Ka la Gorkha kaba la shimti ban tied nyngkong ka la kamai 110 ruh bad shah pynkhyllem baroh ki nongtied ha ki 18.3 over.
Haba wan shimti ïa ka pali kaba ar ka St. Nanak ka la lah ban kynjoh sha ka thong da kaba kamai 113 run bad shah pynkhyllem 2 wiket ha ki 9.1 over. Ïa ka nam Player of the Match la khur da u Piyush Kumar Ray, uba la tied 39 run bad shim 4 wiket.
Kumjuh ha ka jingïakhun ha ka sngi Palei, ka St. Anthony’s ka la jop da 95 run ïa ka Sunrise Academy. Ka St Anthony’s kaba la kam trai ban tied nyngkong ka la kamai 184 run bad shah pynhap 4 wiket ha ki 20 over.
Hynrei ka Sunrise Academy ka la kamai tang 89 run hadien ba ka la shah pynkhyllem baroh ki nongtied ha ki 16.2 over. Ïa ka nam Player of the Match la khur da u Samelawan, uba la tied 42 run bad khur 3 wiket.
Haba phai sha kawei pat ka jingïakhun ka KV Happy Valley ka la pynliem noh ïa ka Shillong HSS da 65 run. Ka KV Happy Valley ka la kamai 161 run bad shah pynhap 4 wiket ha ki 20 over. Hynrei ka Shillong kam shym la lah ban kynjoh sha ka thong ha kaba ka la kamai tang 96 run hadien ba ka la shah pynkhyllem baroh ki nongtied ha ki 18.4 over. Ïa ka nam Player of the Match la khur da u Udit Pradhan, uba la tied 45 run bad shim 2 wiket.
