Shillong, Ïaïong 17
Ka RB Anubchand SS ka la pynliem noh ïa ka Madrasa LP UP School da 3 wiket na ka bynta ban khur jingjop ha ka lympung ïalehkai Inter School Under-18 Cricket Tournament ba la pynlong da ka Shillong Cricket Association ha ka sngi Thohdieng.
Ha kane ka jingïakhun ka Madrasa kaba la kam trai ban tied nyngkong, ka la kamai 87 run hadien ba ka la shah pynkhyllem baroh ki nongtied ha ki 11.5 over. U Tannu Jyrwa u la tied 23 run na ki 27 bol bad u Asif Ali u la ïoh 12 run na ki 8 bol. Katba u Harshit Kr Roy u la khur 2 wiket na ka bynta ka RB Anubchand.
Haba wan shimti ïa ka pali kaba ar ka RB Anubchand u la lah ban kynjoh sha ka thong da kaba kamai 89 run bad shah pynhap 7 wiket ha ki 11.5 over. U Mohit u la tied 26 run na ki 23 bol bad u Harshit Kr Roy u la ïoh 14 run na ki 18 bol. Katba u Asif Ali u la khur 2 wiket na ka bynta ka Madrasa. Ïa ka nam Player of the Match la khur da u Harshit Kr Roy.
