Nongstoiñ, Ïaïong 17
Ka West Khasi Hills District Cricket Association (WKHDCA) ka la sdang ïa ka lympung ïalehkai 2nd West Khasi Hills Inter office & Institutional T20 Cricket Tournament 2026 ha ka sngi Thohdieng ha kaba ka Soil & Water Conservation Division ka la khur ïa ka jingjop hadien ba ka la pynliem noh ïa ka Nongstoiñ C&RD Block da 24 run ha madan Mawrusyiar, West Khasi Hills.
Haba phai sha kane ka jingïalehkai, ka Soil & Water Conservation Division ka la jied ban tied nyngkong ha kaba ka la kamai 104 run bad shah pynkhyllem baroh ki nongtied ha ki 19 over. Hynrei haba wan beh ïa ka thong ka Nongstoiñ C&RD Block kam shym lah ban kynjoh sha ka thong ha kaba ka la kamai tang 80 run bad shah pynkhyllem baroh ki nongtied ha ki 16.4 over.
Ïa ka nam Player of the Match la ïoh khur da u Maitphang Marthong, uba la tied 11 run na ki 12 bol bad khur 4 wiket.
