Shillong, Ïaïong 19
Ka Tottenham ka dangïakren lypa na ka bynta ban wanrah ïa u rangïalehkai ‘dien ka Liverpool u Andy Robertson ha kane ka aïom lyiur.
Une u rangïalehkai u la pynthikna ha ka taïew ba la lah ba un mih noh na Anfield hadien ki khyndai tylli ki snem kiba ula don ha kane ka klob ha kaba ka kontrak ka jong u kan poi sha kaba kut ha kane ka aïom lyiur.
Ka Spurs ka don ka jingthrang ban soi ïa ka kontrak ka ban neh slem na ka bynta utei u rangïalehkai ba 32 snem ka rta bad ha ka jingshisha ka la thmu ban soi ïa u ha u Kyllalyngkot hynrei ka Liverpool kam shym la pynkhreh ban ailad ïa u ban mih noh.
Te kumta ka Tottenham ka dangïai bteng ban soi ïa une u kapten ka Scotland bad watla ki tyllong khubor ki pynpaw ba ym pat lah ban ïasoi ïa ka jingïateh kular kaba pura, hynrei la sngewthuh ba ka jingïakren ka dangïaid shakhmat.
